Tempo Semanal-Dili, 02.01.2011
Foin maka tama ba loron rua eletrisidade mate lakan ba dala tolu ona. Iha dader loron uluk tinan 2011 eletrisidade mate iha parte balun iha Dili dala rua no ohin loro kraik mais ou menus hahu tuku 16.30 OTL ahi mate fali tan iha parte Bekora ninian.
Iha oras ne'ebe igreija sira celebra misa Domingo Loro Kraik ninian ahi mate hodi empata mos Misa iha igreija Sagrado Corasaun de Jesun no Igreija Bedois Dili.
"ha'u hanoin ne'e atetude la di'ak husi parte governu ninian liu-liu Sekretariu do Estadu ne'ebe tutela ba area eletrisidade ninian," dehan Maria sarani ida ne'e atu hakat daudaun tama ba igreija Bekora.
Ahi Mate Lakan iha dili laran ne'e hanesan bisu ida ona no ukun nain ne'ebe kaer area ne'e hetaan tratamentu aat no hatun ninia dignidade wain tebes ona maibe ukun nain ne'e lakon ona moe hodi simu ho hamnasa de'it. Proprio Primeiru Ministru rasik iha reuniaun publiku ida ho populasaun hanaran ona Sekretaria da Estadu ne'e hanesan Sekretariu do estadu AMP (Ahi Mate Permanente). (TS)
No comments:
Post a Comment