Wednesday 17 November 2010

lIA MENOM GOVERNO LAIHA DIGNIDADE MORAL MAI AMI ESTUDANTES YOGYAKARTA

Loron diak ba maluk timor oan sira......!!
Governo haruka ona ninia equipa kunjunto ida mai husi governo sentral nebe mak Chefia husi Vice-Ministro Estrangeiros hamutuk ho Embaixador RDTL iha jakarta mai halo sorumotu hamutuk ho estudantes nebe iha Jogja, iha loron 12 de Novembro 2010. Iha sorumotu ne'e Chefi equipa (Vice-Ministro Estrangeiros) hateten liafuan ida mai ami "SE ITA EVAKUA BA SOLO NE'E LUCU" tenik Ministro ho lian forte, ho razaun katak aktividades Vulkaniko agora dadaun komesa kalma fali ona. Tenik tan Ministro equipa ne'e mai hodi ajuda estudantes nebe mak iha jogja, i ami sei hamutuk ho imi durante semana rua tamba Governo sentral selu ami durante semana rua Aviaun ba mai, perdiem no toba iha Hotel luxu para atu hare imi/hamutuk ho imi. Maibe realidades tuir fontes balun mak ami hetan katak Sua Exelencia (Chefe Equipa) fila tiha ona ba Dili, atu konsulta fali ho governo sentral. Se’e ita bo’ot mai para atu pasear deit no labele foti decizaun ruma entaun diak liu lalika mai para gasta deit osan POVU nian. Hahalok ne'e hatudu katak "GOVERNO LAIHA KOMITMENTO/DIGNIDAE MORAL" sorumotu ne'e mos ami seidauk hetan rezultado/solusaun ruma. Sira so fo deit informasaun katak se plano A atu evakua ba SOLO sei la akontese entaun ami fila ona "AMI HOTU TRISTE". Ne'e signifika katak governo hein ami mate lai depois mak foin mai rekoila ami nia mate isin karik...???. Perguntas mak ne'e orcamento nebe mak parlamento aprova tiha ona atu lori halo fali saida...?? Governo laiha transfarensia konaba orcamento nebe mak aloka tiha ona. Tuir informasaun katak Governo aloka orcamento (subside) hamutuk $350.000 USD, iha fontes balun mak aloka $700.000 USD ami lahatene informasaun ida nebe mak los? OBRIGADO...!!

2 comments:

Anonymous said...

hare ba merapi sei kalma buka fatin seguru ona,,,,lalika terlalu hein tamba imi mate tiha mk sira hola imi nia kaisaun dt....nee be imi mk hatene matan moris no neon nain....

Anonymous said...

Tuir hau nia hanoin evakuasaun ne precisa kuando erupsaun vulkano foho merapi nian ne iha nia status "siaga" ou "darurat". mas se kuando status ne normal ona entaun la precisa halo ona evakuasaun. Hau mos rekunhese katak governu nia atuasaun atu evakua estudantes iha jogja ne tarde los ona. Parte seluk nebe mak ita kestiona kona ba osan $350,000 ou $700,000 ida ne klaru ke aprova tena mas ne nia usa atu halo ceda lai? se estudante hotu nia kondisaun diak entaun osan ne la precisa atu hasai e bele rai fali ba iha necessidade seluk ne timor leste precisa liu. Kuando iha kolega balu nebe hetan moras nebe afecta husi SUar foho merapi nian ne, entaun ita bele hakilar ba governu atu tau matan ba ida ne. tanba ida ne problema ida nebe serio tebes. Mas informasaun kona ba estudante hira mak hetan moras nain hira? ita mos lahatene.

Ita bele kestiona kona ba osan ne mas ita mos tenki hanoin didiak necessidade nebe mak precisa atu gasta husi osan ne. se laiha necessidade ruma nebe precisa entaun osan ne diak liu lori fila ba timor e bele uza fali ba dezastre naturais nebe akontese iha timor. Ida ne importante tebes. Ita labele gasta osan ne arbiru det. Timor agora ne dadaun afecta hela husi udan bot. Povo barak iha distrito mak hakilar hela ba governo. Povo sira dehan 'se udan bot hela det ami bele mate hamlaha'. hau nia hanoin ho osan nebe iha bele ajuda mos ita nia maluk sira nebe hela iha lioron neba. tanba sira precisa tebes.
Obrogado...