Thursday 16 September 2010

Ekipa Sub 16 Timor Leste Doko Klubu Kapital Indonesia ho Golu hat

Ekipa Sub 16 Timor Leste hodiseik (15/09) hamoe ekipa klubu elite Indonesian Persija Jakarta iha Jakarta. “Hodiseik ita joga kontra ekipa sub 21 klubu persija Jakarta i ita manan sira quarto zero, “ informa Treinador Agustino Mesquita.

Jakarta udan bo’ot no kondisaun kampu fote bola nian bee sa’e maka’as kahor ho taho maibe la empata jogador Timor leste hodi hatama gol ba baliza husi klubu capital nasaun Indonesian ne’e. “Labarik sira ne’ebe hatama golu ne’e maka primeira golu hatama husi Nicolao, iha minute 10, segundu golu halo husi Jose Fonseca, Terceira golu iha kuarenta um minute ne’e marka husi Mau Quinta i depois iha segunda parte iha minute oitenta sicu hetan marka penalty ida,” informa treinador Agustinho Misquita ba tempo Semanal via telemovel.
Tuir treinador ne’e sparing ne’ebe halo iha Jakarta hodiseik ne’e hanesan kontinuasaun husi preparasaun ne’ebe durante ne’e sira halo ba ekipa sub 16 Timor Leste antes ba hasoru eventu taxa azia nian ne’e. “Dezde Uluk ekipa Timor ninian ne’ebe mai iha liur ne’e sempre dehan prepara no prepara maibe sempre lakon nune’e duni mai ita Timor oan kuandu sai mai liur hanesan ne’e tenke foti Timor nia naran tan ba Timor la’os hanesan uluk maibe Timor agora hanesan nasaun,” esplika Agustinho.
Kestiona kona ba preparasaun ekipa Timor Leste ba iha pra kompetisaun ne’ebe sei hala’o iha Solo treinador ne’e hatutan, “ha’u sente ita prepara ho di’ak no preparadu. Hanesan ekipa ida hodiseik joga ne’e ema penonton balun ne’eb e haree jogu ne’e dehan ita maka sira, no sira maka iha fali ita nia fatin. Tuir pengamatan kolega jogador sira iha ne’eba ne’ene dehan 100% labarik sira joga di’ak liu fali sira.”
“Pengamatan sira nia penonton balun ne’ebe mai asiste jogu ne’e dehan se hakarak joga bola tenke joga, se la hatene joga bola lalika joga, ne’e refere ba ita nia labarik sira.”
Tuir informasaun dehan ekipa nasional Indonesia ho nasaun sira seluk dehan tenke kuidadu ho Timor Leste. “Iha ema balun kontaktu treinador sira nian ne’ebe halo komentariu hakarak manang Timor Leste ho trez zero ne’e kuidadu ho Timor tan ba Timor nia joga ne’e di’ak,” informa treinador ne’e.
Ekipa sub 16 Timor leste daudaun ne’e sei hala’o nafatin treinamentu iha Jakarta no tuir planu sei aranka solo iha loron 18 no sei joga iha loron 20/09/2010.

No comments: